Willem Vermeltfoort
16 augustus, 19:48 • 4 minuten lêstiid
It is in opfallend feit by it fierljeppen dit jier. De Grinslânse Femke Rispens út Niehove is ien fan de favoriten op it Frysk Kampioenskip Fierljeppen. Mar hoe kin dat?
"Ik ken ondertussen het Friese volkslied beter dan het Groningse", laket Femke Rispens wylst sy dwaande is mei de lêste training yn Winsum. Sneon begjint it Frysk kampioenskip yn dat plak en dus sette de ljeppers noch de lêste puntsjes op de i. "Maar ik voel me eigenlijk inwoner van beide provincies."
De 20-jierrige Rispens makket har klear foar in sprong oer it wetter hinne. Yn in swarte polo mei de wite letters 'Fierljepvereniging Grijpskerk' op de efterkant stiet se op de skâns. It is de feriening dêr't Rispens al jierren oan ferbûn is.
Al sûnt har njoggende is Rispens dwaande mei de sport, wêr't sy troch de jierren hinne fereale op waard. "We mochten op school kiezen bij zo'n soort van open dag tussen allemaal sporten. Ik vond het fierljeppen interessant en dus probeerde ik dat uit. Toen heb ik me bij Grijpskerk ingeschreven en ben ik niet meer opgehouden met springen."
Frysk kampioen
Ferline jier helle Rispens de titel fan Frysk kampioen binnen. Ien fan de weinige kearen dat in Frysk kampioen fan bûten de provinsjegrinzen kaam. Dit jier is Rispens wer kandidaat, want sy heart ta de fiif favoriten yn de dames-klasse (19+).
It Frysk Kampioenskip Fierljeppen is sneon yn Winsum en is fan 13.00 oere ôf live te folgjen fia radio, tv en ynternet fan Omrop Fryslân.
De wedstriid begjint om 13.30.
It is fansels prachtich foar Grinslân, mar hoe kin it dat sy in Frysk kampioen ôfleverje? "Het antwoord op je vraag zit in de historie van de sport", seit Ineke Alkema fan de fierljepferiening yn Grypstjerk.
It bestjoerslid docht al jierren frijwilligerswurk foar de klup en wit in soad fan de skiednis. Neffens Alkema hat it in praktyske oplossing west om Grypstjerk by Fryslân te heljen. De fierljepklup is de iennige yn Grinslân en dus is de sport yn dy provinsje net grut.
"Er zijn twee bonden in Nederland. Je hebt het Fryske Ljeppers Buon en je hebt nog de Polsstokbond Holland. Voor ons zijn de wedstrijden van PBH verder weg en dus is dat een stuk rijden. Ze zijn in Noord-Holland of in Utrecht. Het is voor onze ljeppers geen optie om zo ver te reizen."
Dus wie it foar Gryptsjerk logysker om 'gewoan' by Fryslân oan te slu*ten. In Grinslânner Kampioenskip Fierljeppen koe der net komme, want der binne te min fierljeppers foar. It fierljeppen libbet yn Grinslân minder en dus is ien klup in maksimum.
De feriening fan Gryptsjerk hat sels sa'n 40 leden en sy dogge der alles oan om it fierljeppen grut te meitsjen yn Grinslân. Dat Rispens no sa goed is, fynt Alkema geweldich.
"Normaliter doen ze altijd een Friese vlag in top bij de huldiging. Toen ze dat verleden jaar bij Femke deden zei ik gekscherend dat er een Groningse vlag in moest. Het is een bijzondere constructie soms."
Rispens is dit jier wer in favoryt, mar neffens Alkema is it seizoen ek sûnder titel slagge. "Ze doet het zo ontzettend goed en die damesklasse is echt interessant. Dan springt de ene weer ver en dan de andere weer. Het is altijd wachten op de laatste sprong."
No't Grinslân in Frysk kampioen hat, soene je sizze dat it fierljeppen yn Gryptsjerk begjint te libjen. Dochs sjocht Rispens dat spitigernôch oars. "Er zijn veel mensen in Grijpskerk die er niet van af weten. We proberen dat te veranderen met clinics en het onder de aandacht te brengen. Maar er is veel werk te verzetten."
Ferneamder yn Fryslân
De Niehovense is yn de fierljepwrâld dus ferneamder yn Fryslân as yn har eigen provinsje. "Maar dat vind ik eigenlijk ook wel prima", laket sy wylst sy har opmakket foar de lêste sprong fan de dei. "Lekker in de anonimiteit blijven is het leukste."
Tips fan de redaksje
Lêste nijs
Omrop Fryslân is ek fia WhatsApp te folgjen. Fia ús WhatsApp-kanaal stjoere wy dy nijsgjirrige berjochten en fideo’s út Fryslân en bliuwsto op ’e hichte. Abonnearje dy hjir.